mércores, 24 de xuño de 2015

Fin de semana en Gandarío

Como vos prometemos, aquí están as fotos do noso fin de semana no albergue de Gandarío. As fotos non recollen toda a diversión deses tres días, mais son o que máis se achega. A experiencia foi inolvidable!










sábado, 13 de xuño de 2015

Fin de curso, fin do voluntariado?

O curso escolar estase a rematar e con el o estrés das clases, dos exames e de tanto madrugar. Mais os correspondentes do Colmeiro de 1º de Bac de ciencias aínda temos unha visita por facermos xuntos. Deixamos as clases para que o noso próximo destino sexa o Albergue de Gandarío.


Situado en Bergondo, a 2km de Sada, conta coa disposición para a práctica de diversas actividades acuáticas. Ademais, cerca do albergue hai piscina, praia e distintas pistas (exteriores e interiores) para facer deporte. Polo tanto, nada mellor que compartir un fin de semana na compañía dos teus compañeiros de clase antes de comezar a ledicia do retiro do verán.







De todos modos, acabado o curso o voluntariado non ten por qué rematar, senón que os vindeiros anos poderemos continuar con el, disfrutando das moitas oportunidades que este nos ofreza.
Prometemos fotos da nosa estancia en Gandarío que, aínda que breve, penso que será divertida.
Bo fin de curso e feliz verán a todos!

luns, 1 de xuño de 2015

Celebra o Día da Música con Carlos Núñez


Santiago de Compostela, 27 de Maio de 2015
A Cidade da Cultura celebrará o vindeiro 20 de xuño o Día da Música cun concerto moi especial en colaboración con Red Eléctrica: o gaiteiro Carlos Núñez, acompañado da súa banda e un nutrido grupo de amigos, renderalle tributo ao folclorista Alan Lomax.
O Museo Centro Gaiás será o escenario deste concerto co que un dos nosos gaiteiros máis  internacionais abriu os actos na Library of Congress de Washington, en homenaxe ao folclorista máis importante do século XX no centenario do seu nacemento: Alan Lomax.
Carlos Núñez, acompañado polo seu grupo e varios novos valores da nosa música, acompañarán en directo algunhas das máis sobranceiras gravación galegas de Lomax. A música estará acompasada por unha proxección coas fotos que o propio Lomax tomou en Galicia e pola lectura dos seus cadernos de notas, algúns –concretamente os que fan referencia a Galicia- aínda inéditos.
Entradas desde 8 euros
As entradas para o concerto xa están á venda no Punto On da Cidade da Cultura ou a través dewww.ataquilla.com (+gastos de xestión). A entrada na Zona B será de 8€ e a da Zona A de 10€. Como todos os espectáculos da Cidade da Cultura, existe un desconto para colectivos especiais (xubilados, desempregados, discapacitados, familias numerosas, estudantes e traballadores da USC e carné xove) que poden consultarse aquí. 
Ademais, os socios do Club Gaiás poderán facerse coa súa entrada cun 40% de desconto (6€ na Zona A e 5€ na Zona B). Tanto no Punto On como en www.ataquilla.com (+gastos de xestión) é posible facerse co bono 3x2 (tres entradas a prezo de dúas) e o bono 4x3 (catro entradas a prezo de tres). 
O folclorista máis importante do século XX
Alan Lomax foi un namorado da música de Galicia desde que a visitou cando se mudou a Europa nos anos 50 fuxindo da caza de bruxas anticomunista nos Estados Unidos. Grazas a el, produciuse unha das primeiras gravacións verdadeiramente universais baseadas en música galega: The Pan Piper do Sketches of Spain (1960) de Miles Davis, gravado orixinalmente por Lomax como Alborada de Vigo. 
Ademais, Lomax foi o primeiro en gravar a Muddy Waters e as súas gravacións de campo foron versionadas por Aaron Copland, Led Zeppelin, ou Johnny Cash. Ao igual que Carlos Núñez, Alan Lomax cría na conexión celta da música galega e tamén na importancia que para esta tivo o Camiño de Santiago. 
Pola súa banda, o galego Carlos Núñez está considerado internacionalmente como un músico extraordinario, dos máis serios e brillantes do mundo. Ao longo destes anos, leva vendidos 1.000.000 de discos no mundo, obtivo un Premio Ondas, dúas candidaturas en solitario aos Grammy latinos e galardóns en todo o mundo.
 

A Xunta destina 25.000 euros á organización dun encontro informático para máis de 1.000 mozos na Semana Verde


A conselleira de Traballo e o vicepresidente da Xunta asinaron un convenio para o desenvolvemento do evento
O Goberno autonómico considera necesario darlle á xuventude a posibilidade de ter un punto de referencia sobre as novas tecnoloxías 
 
  • A conselleira de Traballo e Benestar, Beatriz Mato, e o vicepresidente da Xunta e presidente do padroado da Fundación Semana Verde de Galicia, Alfonso Rueda, na sinatura do convenio
    A conselleira de Traballo e Benestar, Beatriz Mato, e o vicepresidente da Xunta e presidente do padroado da Fundación Semana Verde de Galicia, Alfonso Rueda, na sinatura do convenio
  • A conselleira de Traballo e Benestar, Beatriz Mato, e o vicepresidente da Xunta e presidente do padroado da Fundación Semana Verde de Galicia, Alfonso Rueda, na sinatura do convenio
    A conselleira de Traballo e Benestar, Beatriz Mato, e o vicepresidente da Xunta e presidente do padroado da Fundación Semana Verde de Galicia, Alfonso Rueda, na sinatura do convenio
Santiago, 30 de maio de 2015.- A conselleira de Traballo e Benestar, Beatriz Mato, e o vicepresidente da Xunta e presidente do padroado da Fundación Semana Verde de Galicia, Alfonso Rueda, asinaron un convenio de colaboración para o desenvolvemento dun encontro informático que prevé poida reunir a máis de 1.000 mozos e mozas durante varios días nesta localidade.
O departamento autonómico quere brindar así á xuventude unha oportunidade para intercambiar coñecementos e experiencias da sociedade da información e no manexo das novas tecnoloxías, dado que na actualidade o seu uso e coñecemento é imprescindible.
Este encontro informático terá lugar previsiblemente na segunda quincena de setembro na sede da Fundación Semana Verde en Silleda onde se desenvolveran distintas actividades lúdicas e formativas coas novas tecnoloxías e novos programas informáticos como protagonistas.
A vixencia do convenio estenderase ata o 15 de novembro de 2015, se ben poderán subvencionarse con cargo ao mesmo gastos relacionados directamente coa organización do evento desde o 1 de xaneiro deste ano.

luns, 25 de maio de 2015

Curso de Monitor de comedor escolar en Santiago de Compostela


PDFImprimir
monitorcomedorCruz Vermella de Santiago de Compostela convoca un curso de Monitor de comedor escolar.Datas: do 8 ao 15 de xuño de 2015
Lugar: Santiago de Compostela
Duración: 30 horas
Prezo: 100 €. 10% de desconto para desempregados, estudantes, socios ou voluntarios. 20% de desconto para desempregados de máis de 3 meses.

Máis información na Cruz Vermella de Santiago de Compostela, Av. Lugo s/n. Teléfono: 981 586 969 e en http://formacion.cruzvermella.org/curso/monitor-comedor-junio/

luns, 18 de maio de 2015

V Encontro de Artistas Novos

A Cidade da Cultura de Galicia convértese por quinto ano consecutivo nun espazo de encontro no que creadores emerxentes terán a oportunidade de dar a coñecer os seus traballos e debater ao redor da arte contemporánea durante catro días de convivencia e intercambio de coñecementos e ideas con outros axentes culturais. Será no V Encontro de Artistas Novos que se celebrará na Biblioteca e Arquivo de Galicia do 7 ao 11 de setembro de 2015.

 Coordinado por Rafael Doctor, o Encontro de Artistas Novos ‘Cidade da Cultura’ busca favorecer a convivencia entre artistas emerxentes galegos e procedentes doutros lugares, ademais de poñer en contacto aos participantes con outros axentes do sector como críticos, comisarios ou art followers. Unha edición máis, o Encontro traerá ao Gaiás artistas e creadores xa consolidados para compartir as súas experiencias e reflexións ao redor da arte: Menchu Lamas,Ana Laura AláezDamián UciedaEnrique Marty e Aitor Saraiba, ademais de críticos de arte, xornalistas e comisarios que desenvolverán o labor de 'art followers'. 
No Foro Aberto, cada un dos participantes terá a posibilidade de realizar unha presentación pública centrada no seu traballo e proxecto creativo persoal, servindo de plataforma e escaparate das súas creacións. A maiores, a Cidade da Cultura abre a posibilidade de que algúns dos participantes sexan elixidos para realizar unha intervención artística nas Torres Hejduk do complexo, convertindo esta infraestrutura nun lugar dedicado á arte e á creatividade.

Certame galego de Creadores Novos, Xuventude Crea 2015


A Consellería de Traballo e Benestar, a través da Dirección Xeral de Xuventude e Voluntariado convídavos a participar neste certame galego de creadores novos, que inclúe as especialidades de teatro, artes plásticas, fotografía, música, relato breve, poesía, videocreación, banda deseñada, graffiti, deseño de xoias e moda
Se queres participar, aquí podes revisar as bases do certame

xuventudecrea2015

O prazo de presentación de solicitudes estará aberto ata o día 30 de xuño de 2015.



A quen vai dirixido?


Poderán solicitar a participación os mozos ou mozas galegos/as ou residentes en Galicia, non profesionais, con idades comprendidas entre os 16 e os 30 anos de idade cumpridos no ano 2015.
Non poderán participar nunha especialidade aquelas persoas que gañasen o primeiro premio desa mesma especialidade na edición do ano anterior.
Enténdese por profesional aquela persoa que mantén unha relación contractual permanente ou ocasional con algunha empresa vinculada á especialidade concreta na que solicita participar levando a cabo traballos directamente relacionados con ela, ou que está dada de alta como autónomo/a nunha actividade que teña unha relación directa coa citada especialidade.
Salvo no caso das especialidades de teatro, música, banda deseñada e graffiti, a participación será sempre a título individual.

venres, 8 de maio de 2015

Esopías 2015



Fixemos entrega dos premios ás mellores Esopías deste ano. A decisión foi moi complicada debido tanto á gran participación como á calidade dos traballos presentados.
Próximamente presentaremos unha escolma das esopías. Polo momento, velaquí os gañadores:
1º premio (1º ciclo): Laura Villanueva Hermida (2ºB)
1º premio (2º ciclo e bacharelato): Alberto García Fernández (1º bacharelato A), Alesandra I. Bazán Casanova (4ºB)
2º premio (1º ciclo): Nerea González Villar (2ºB), Natalia Mato Fernández (2ºB)
2º premio (2º ciclo+bacharelato): Mariña Castro Fontao (4ºB)

Como vivimos en Silleda?




                                            Producido por Ana Colmeiro, alumna de 1º bacherelato.

luns, 27 de abril de 2015

XXVIII Certame Mozos Investigadores

O Instituto da Xuventude (INJUVE) convoca os premios do XXVIII Certame "Mozos Investigadores" para 2015, dirixido a estudantes de ESO, Bacharelato e Formación Profesional e membros de asociacións xuvenís.
A finalidade deste certame é promover a investigación nos centros docentes e/ou asociacións xuvenís mediante a concesión de premios a traballos de investigación básica ou aplicada ou de deseño de prototipos, relacionados con calquera das áreas do currículo de ESO, Bacharelato e Formación Profesional.
Información

xoves, 23 de abril de 2015

VOLUNTARIADO CULTURAL: VOLUNTARIADO NAS BIBLIOTECAS PÚBLICAS DE GALICIA


En imaxes
A Dirección Xeral de Xuventude e Voluntariado e a Secretaría Xeral de Cultura, a través da Subdirección Xeral de Bibliotecas, poñen en marcha esta iniciativa co obxectivo de responder a unha demanda social e incorporar voluntarios/as á rede de bibliotecas públicas de Galicia.
Este programa pretende que as bibliotecas poidan prestar con máis eficacia a súa función de formar, informar e de acceso a cultura e o lecer dos cidadáns en igualdade de oportunidades por medio de procesos áxiles e innovadores capaces de brindar servizos de calidade que se acomoden ás necesidades dos usuarios e da comunidade á que serven.

Os voluntarios realizarán fundamentalmente as seguintes tarefas:

.Apoio á difusión e promoción das bibliotecas públicas
.Apoio na formación en competencias informacionais 
.Apoio na posta en práctica de proxectos e animación lectora e sociocultural
. Apoio na realización de actividades culturais ou artísticas 
. Apoio ao aprendizaxe doutras linguas
.Outras

Perfil da persoa voluntaria
•Persoas con ideas de animación sociocultural e de promoción da lectura, preferiblemente con experiencia no trato con adultos e/ou con nenos e nenas.

•Persoas con coñecementos de informática que saiban transmitilos a adultos para contribuír a salvar a fenda dixital dos sectores da poboación menos favorecidos. 

•Persoas que teñan algún dominio dun arte, dun oficio, dunha profesión, dunha experiencia vital interesante ou dunha afección que queiran compartila e transmitila.

As persoas que queiran prestar accións de voluntariado con este colectivo poderán colaborar nas seguintes Bibliotecas xestionadas pola Consellería de Cultura, Educación e Ordenación Universitaria:

-Biblioteca Pública da Coruña Miguel González Garcés
R/Miguel González Garcés nº1
15008 A Coruña
Tlf:981170218. 
-Biblioteca Pública de Lugo 
Avda. Ramón Ferreiro, s/n
27002 Lugo
Tlf:982228525. 
-Biblioteca Pública de Ourense 
Concello, 11
32003 Ourense
Tlf:988210700 
-Biblioteca Pública de Pontevedra Antonio Odriozola
Alfonso XIII, 3
36002 Pontevedra
Tlf: 986850838 
-Biblioteca Pública de Santiago Anxel Casal
Avda. de Xoán XXIII s/n
15704 Santiago de Compostela
Tlf: 881999401
-Biblioteca Pública de Vigo Juan Compañel
Joaquín Yáñez, 6
36202 Vigo
Tlf: 986229074

Para máis información

Concurso de iniciativas cooperativas


cooperativismoA Consellería de Traballo e Benestar a través do Consello Galego de Cooperativas convoca un concurso de iniciativas cooperativas.
A finalidade deste concurso é estimular e apoiar os axentes que interveñen nos procesos de xeración de proxectos empresariais, en especial nos proxectos ligados ao ámbito local, para que no seu labor de persoal técnico no asesoramento e impulso de proxectos fomenten o cooperativismo como fórmula de desenvolvemento local en Galicia.

Participantes:
Poderán participar neste concurso as persoas pertencentes a colectivos tales como axentes de desenvolvemento local, de extensión pesqueira, de extensión agraria, técnicos e técnicas de emprego, de grupos de acción local, das oficinas de fomento cooperativo e da Rede Eusumo, das asociacións de cooperativas, das consellerías do Medio Rural e do Mar e de Traballo e Benestar, orientadores e orientadoras educativos e laborais, así como persoas asesoras e consultoras de cooperativas. Así mesmo, o concurso estará aberto a todas as persoas, maiores de idade e de calquera nacionalidade, impulsoras de proxectos empresariais cooperativos.
Poderán presentarse proxectos individuais ou colectivos. Cada persoa poderá participar nun só proxecto individual e/ou nun só proxecto colectivo.

Premio:
Premio á mellor iniciativa cooperativa, que conta cunha dotación económica de 5.000 €.

O prazo de presentación dos traballos estará aberto ata o día 15 de maio de 2015.
Pódese tramitar en https://sede.xunta.es no procedemento TR802P
Máis información no DOG do 22 de abril de 2015 e en www.cooperativasdegalicia.com

luns, 20 de abril de 2015

Campus de Profundización Científica para estudantes de 4º de ESO

campusprofundizacioncientificaO Ministerio de Educación convoca 80 axudas para participar no ano 2015, no Programa Campus de afondamento científico para estudantes de secundaria en Soria, durante o mes de xullo de 2015.
Datas:
O Campus de afondamento científico realizarase no IES «Virgen del Espino» de Soria, sendo aloxados os alumnos na residencia «Escuela Hogar Madre de las Mercedes» en Soria.
O Campus desenvolverase en dúas quendas, de 40 alumnos cada un, que terán lugar nas seguintes datas:
1ª quenda: Do 6 ao 16 de xullo de 2015.
2ª quenda: Do 17 ao 27 de xullo de 2015.

Requisitos:
a) Alumnos que no curso escolar 2014/2015 estean a cursar ensinanzas de cuarto curso de Educación Secundaria Obrigatoria, en centros educativos españois sostidos con fondos públicos
b) Que obtivesen unha nota media no curso escolar 2013/2014 superior ou igual aos 9,0 puntos.
c) Que durante o curso 2014/2015, estean a cursar as seguintes materias: Matemáticas B, Física e Química e Bioloxía e Xeoloxía.

A axuda cobre os gastos de matrícula no curso, materiais, actividades, aloxamento, asistencia de monitores e manutención dos alumnos que contarán, así mesmo, cun seguro que cubra as continxencias de accidentes e responsabilidade civil durante o desenvolvemento do Campus.
O traslado dos alumnos dende os seus lugares de orixe ata o Campus asignado, así como dende este ata os seus domicilios será por conta dos alumnos.

A Real Sociedade Española de Física será a encargada da organización e coordinación das actividades que se desenvolvan.

Solicitudes:
https://sede.educacion.gob.es, sección "Trámites y Servicios"

prazo de presentación de solicitudes estará aberto ata o 30 de abril de 2015.
Máis información no BOE do 16 de abril de 2015 e en https://rsef.es/

A mellor playlist da música actual.

Éxitos by Andrés Cangas on Grooveshark

martes, 14 de abril de 2015

Concurso REAJ : 'Mes da Terra'



Periodo de inscripción

Do 25/3/2015 ao 22/4/2015


Información

Co motivo do Día da Terra que se celebrará o vindeiro 22 de abril, a Rede de Albergues Xuvenís de España convoca un concurso sostible co que se poderá conseguir unha fin de semana para 2 personas en calquera albergue REAJ de España e cinco paquetes compostos por dous Carnés de Alberguista.

Para participar, tes dúas opcións:
  • Seguir á conta de Twitter de REAJ, @alberguesREAJ, e contar que fas para mellorar o medio ambiente añadindo o hashtag #ReajTierra + a mención a @alberguesREAJ.
  • Comentar directamente dende a súa web a través do formulario habilitado e responder á mesma pregunta.

Con todos os comentarios elaborarase un documento verde que recollerá todas as boas prácticas propostas polos participantes. Este documento publicarase para difundir hábitos de vida máis sostibles e faranse chegar ao Ministerio de Agricultura, Alimentación e Medio Ambiente.

Logo REAJ sostenibilidad

Convoca

Rede Española de Albergues Xuvenís, REAJ


Dotación

Unha fin de semana para 2 personas en calquera albergue REAJ de España e cinco paquetes compostos por dous Carnés de Alberguista.


Máis información