Estadías emprendedoras en febreiro e marzo con Xuventude Promete

O 9 de febreiro remata o prazo de inscrición no programa Xuventude Promete, que pretende fomentar o emprendemento e o autoemprego no colectivo xuvenil de 14 a 18 anos con estadías de tres días de duración no albergue Lug2, nos meses de febreiro e marzo. Esta actividade ten unha compoñente multidisciplinar e pretende axudarlles aos participantes a descubrir e incentivar a súa vocación e talento, utilizando a educación non formal. Os participantes, baseándose no seu proxecto persoal, poderán experimentar e crear. Con estas ferramentas, preténdese que as estadías sexan un espazo cristalizador de vocacións. Os métodos desta iniciativa baseanse no lema de ‘aprender facendo’ e terá un especial protagonismo a colaboración e a interacción. Busca tamén desenvolver aspectos como o sentido crítico ou a capacidade de reacción ante un fracaso. Xuventude Promete conta con dúas modalidades de participación: a individual e a de centros escolares, para alumnado de ESO, Bacharelato ou ciclos de grao medio, cun tope de oito prazas por centro